الأحد، 31 أغسطس 2008

رمضان كريم......




شوف يا سيدى...المصحف 600 صفحه او 602 ..صحلو مش مصدقنى روح بص فى المصحف بسرعه وتعالىهاه.. طلع كام ..أوكي ... تعال بقىالمصحف 600 صفحه على 30 يوم بكام يا ريس..؟؟...يا عم متعقدهاش الحسبه أبسط من كده600 / 20 = 3 صفحة..شفتوا سهله إزاي...طيب يعنى فى اليوم 20 صفحه وإحنا عندنا 5 صلوات فى اليوميبقى 20 / 5 مظبوط أيوه كد4 صفحات! يبق إنت لو قريت 4 صفحات بعد كل صلاه يبقى فى اليوم هتخلص 20 صفحهيعنى فى الشهر هتخلص القرأن مستريح أوىعايز نصيحتى خليهم 30 فى اليوم علشان لو جيت إنشغلت فى يوم من الأياميتعوض فى يوم تانىإستنى الإيميل لسه مخلصش.. شوف بقى لو بعتّ الإيميل ده لكل أصحابك وختم القرأن بسببك هيتحسبلك أجروثواب أد إيه...ياااه ده إنت تبقى ختمته كتيييييييييييييير أوى يللا يا عم شد حيلك عايزينالناس كلها تختم القرآن السنه دى على ايدكربنا يوفقنا لختم القرانأصلح نفسك وادعو غيرككل يوم بيعدى بيقربنا من الموت.







الأربعاء، 27 أغسطس 2008

المسلسل التركى "نور"



اممممممم مش عارفة ابدا الموضوع منين بالضبط بس اكيد كل اللى هيقرا البوست ده هيفرح موووووووت لان أكثر من نصف الشعب المصرى بيتفرج على المسلسل التركى "نور" و الدنيا كلها بتوقف الساعة العاشرة مساءاً بمجرد ما المسلسل يبدأ تفتروا ليه الملسل ده تلقى كل هذا الاعجاب أكيد علشان مسلسل رائع مسلسل يستاهل ان الواحد يسيب كل اللى فى ايده و يجرى على التليفزيون بمجرد ما يسمع التتر بتاعه انا عاوزة اقول حاجة بسيطة بس علشان اللى هيقرا البوست و ميعرفش المسلسل المسلسل ده البطلين اللى فى الصورة دول هما هما بطال المسلسل البطل الوسيم ده اسمه "مهند" اللى نص بنات مصر دللوقتى بقارن أى عريس بيه !!!!!!!!!!!!!!!

انا عن نفسى بحب اوووووى المسلسل ده و لا عيب و لا حرام ان الناس تحب مسلسل يستحق كل الجماهيرية دى لكن المشكلة فى اللى انا هقولهولكوا ده .
1_ التليفزيون المصرى أشترى المسلسل ده ب 5 مليون جنية و ده طبعا نتيجة ان محدش بقى يتفرج على التلفزيون الا على الملسل ده و بسز

2_ فى مصنع ما أنتج تيشرتات عليها صورة البطل و طبعا بسبب هوس البنات بالبطل "مهند" أشتروا التى شيرت بتاعة حتى دى لحد دلوقتى مش مشكلة المشكلة أن فى بنات راحوا يصلوا الجمعة و هم لابسين التى شيرت ده بذمتكوا إيه الهبل ده أنا أول ما سمعت الخبر ده قولت أكيد إشاعة بس للاسف طلعت حقيقة.

3_ عدد كبير جداااااا من النساء طلقن بسبب هذا المسلسل لان المسلسل فى قمة الرومانسييييييييييييية فاصبح الزوجات يقارنوا بين ازواجهم و مهند على الرغم أن المقارنة مستحيلة لان المسلسل تركى يعنى فى دولة أسلوب حياتهم مختلف مستواهم الاقتصادى أعلى يعنى مثلا : مهند بيجيب لنور كل يوم وردة بيصبحها بوردة و يمسيها بوردة أكيد المفروض منعملش مقارنة أصلا بس هنقول ايه بقى .

أ،توا عارفين المسلسل ده بيتعرض 3 مرات فى اليوم النورمال أن الناس تتفرج عليه مرتين اللى يتفرج عليه مرة واحدة يبقى أب نورمال و أنا منهم هههههههههههههههههههه .

أنا مش عارفة اللى أنا كنت عاوزة أكتبه فى البوست ده عرفت أعبر عنه كويس و لا لا يارب تكونوا فهمتوا قصدى .
و اللى يدخل يعلق لازم يقولى بيتفرج على المسلسل كام مرة اتفقنا هههههههههه .

الاثنين، 18 أغسطس 2008

إعرف شخصيتك من طريقة نومك !!!!!!!!!!!!!!!!!!!!!!!!!!!!!!!!!!!

انا الفترة دى مش لاقية اى افكار اكتبها فاخترت الموضوع الكوميدى ده من أحد المواقع يارب يعجبكوا .
النوم على البطن :

النوم به\ه الطريقة يدل على شخصية قاسية و شريرة ، النائمون به\ه الطريقة غالباً ما يتامرون بالناس و يغصبونهم على إطاعة أوامرهم بالقوة . ديكتاتورى التصرفات و لا تعرف معنى للنقاش.








وحيد و متشائم ،تبدو مرهقاً من الصدمات التى تتلقاها ،رومانسي لابعد الحدود ،رغم انك تعطى انطباعاًللاخرين بأن الحب لم يزر قلبك يوماً .متردد و خجول دائماً.
الاستلقاء على الظهر مع كلتا اليدين خلف الراس:


عبقرى و \ رغبة جامحة للتعليم ، لديك أفكار غريبة و غير معقولة فى بعض الأحيان مما يجعل من يستمعون إليه يتغاضون عنها لصعوبة فهمهم له\ه الافكار ، تهتم بعائلتك و لكن مشكلتك الحقيقية هى انك من الصعب أن تحب أى شحص ،أآ انك إختيارى .

غطاء من الرأس للقدمين:

قد تبدو متحايلاً لمن يراك نائماً هك\ا، و لكنك فى الحقيقة و فى اعماقك انت خجول و ضعيف . أ،ت تفضل ان تحتفظ باسرارك ،و ا\ا كنت تحمل هموماً كبيرة ومشاكل فانت تفضل المعاناة على طلب المساعدة لا شك فى انك تتقلب كثيراً أثناء النوم.
النوم على الجنب مع تجميع الاطراف:


أحمق و مغرور و غيور، ه\ه الكلمات قد تصف من ينامون به\ه الطريقة ،يتجنب الناس مضايقتهم حتى لا يتصرفون بغباء . رغم ما تحمله من قلب عاشق إلا أن الحماقة هى السباقةفى كل شئ.

النوم الجانبى:



أنت شخص هادئ و قنوع النجاح هو حليفك فى أى أمر تعتزم القيام به . و تصل لما تريده بكل تانى و هدوء أيضاً الاشخاص ال\ين ينامون على الجلنب الايمن و متمددين وواضعين يديهم اليمنى تحت رؤسهم الداخلى و الثقة .







الاستلقاء على الجنب مع رفع أحد الركبتين:




تتظاهر بالانشغال دائماً، لا يعجبك شئ وتنتقد كل شئ عصبى ربما يكون يكون الاسم المرادف لك يمكن إغضابك بسهولة كما انك تغضب على اشياء تفهة ، الحياة لا تمثل لك شيئاً حاول ان تسترخى.



السبت، 9 أغسطس 2008

البرنسيس إيناس الدغيدي



المخرجة الفظيعة ايناس الدغيدى:-

أنا من محبى مشاهدة برنامج 90 دقيقة أوى ففتحت عليه يوم الاربعاء الماضى و لقيت معتز الدمرداش عامل دوشة فقولت خير فى ايه الحج يوسف شاهين مات تانى و لا ايه ياريت كنت سمعت الخبر ده كان احسن من اللى سمعته خلاص هدخل فى الموضوع انا كده بدا ارخم لا لقيت الاحلى و الاحلى كان معتز عامل مداخلة تليفونية مع الست هانم ايناس الدغيدى اصلها لقيت نفسها بدات الاضواء تبعد عنها و شهرتها كده هتروح فقالت اقول تصريح يقلب الدنيا فوقها على تحتها .
الهانم بتتطالب بترخيص بيوت الدعارة ، بمعنى ان الشقق بتاعة الدعارة يتعملها ترخيص و يبقى لكل بنت بتروح المكان ده يبقى معاه رخصة المحاور معتز سالها :
سؤال منطقى : طب ليه بتتطالبى بالموضوع ده ؟

الاجابة السازجة: يا جماعة لما البنت يبقى معاه رخصة فى الموضوع ده هتكسف انها تعمل حاجة زى كده على العكس لما الموضوع يبقى فى السر البنت بتعمل كده و لا بيهمها لكن لما الموضوع يبقى برخصة محدش هيقدر يعمل حاجة زى دى ابدا.
تخيلوا تفكير الناس دى عاملة ازاى انا مش عارفة محسسانى ان البنات كلهم موجودين فى الاماكن دى و ليعو\ بالله.

مش ما صدقينا خلصنا من يوسف شاهين و تفكيره الرائع فى افلامه لا دى كمان طلعتلنا و لسه بقية الشلة موجودة بافلامهم زى الباشا خالد يوسف. ربنا ينظف البلد من الناس اللى زى دى .

الثلاثاء، 5 أغسطس 2008

قانون المرور الجديد

وأتى واحد اغسطس بالكثير و الكثير من المشاكل جيه واحد اغسطس و طبق قانون المرور حقيقى قانون رائع هيحمينا و يحافظ على اروحنا انا هقولكوا على سيستم القانون الجديد و بعد كده احكيلكوا على اللى حصلى من وراه .

قانون المرور الجديد يالحبس يالدفع
يالاتنين مع بعض ولكم وافر الشكر
هههههههههههههههههههههه



الركن فى الممنوع 30,00
عدم استخدام حزام الامان 50.00
استخدام الموبيل اثناء القيادة 50,00
الاكل او الشرب او التدخين اثناء القيادة 50.00
وضع الاطفال فى المقاعد الامامية 50.00
عدم التوقف عند العلامات المحددة فى الاشارات 50.00
قيادة سيارة بلوحات معدنية لدول اجنبية او بتراخيص قيادة غير مصرية 150.00
كسر الكمين 250.00
كسر الاشارة 250.00
القيادة عكس الاتجاه 250.00
القيادة تحت تاثير الخمور 500.00
القيادة بدون رخصة 500.00
تخطى السرعة بزيادة من 1- 10 كم/س 50.00
تخطى السرعة بزيادة من 10-20 كم/س 100.00
تخطى السرعة بزيادة من 20- 30 كم/س 150.00
تخطى السرعة بزيادة من 30-40 كم/س 200.00
تخطى السرعة بزيادة اكثر من 40 كم/س 250.00

لا تعليق فى الغرامات اللى فوق دى .
انا لحظى السعيد كان عندى فرح يوم واحد اغسطس وقال ايه بقى لازم نروح الفرح الست نونى كانت لابسة سوارية طبعا رايحة فرح المهم الفرح كان الساعة 8 نزلت من البيت على الساعة 8 و نصف كده قولت هركب تاكسي و هوصل علطول و ياريتنى ما نزلت فضلت واقفة على المحطة لحد الساعة 10 الا ربع و اللى رايح و اللى جاى يتريق ايه اللى لابسة سوارية دى وواقفة على المحطة ما علينا المهم مكانش فى تكاسى خالص بتعدى و الله كنت هعيط لقيت مفيش حل و اضطرت اركب ميكروباص و كمان مكانش فيه ميكروباصات فاضية فعلا كان حظى تحفة .اضطريت اركب ميكروباص و ياريته كان فاضى لا طبعا ركبته و مكانش فيه و لا مكان بس كان فيه مكان اققف فيه بس هههههههههههههههههههههههههههههههههههه.
و الحمد لله عدت بس كل يوم مش راضى يعدى يا جماعة كل ما ابقى عاوزة انزل لازم انزل قبل معادى بساعتين تلاتة يا جماعة الازمة فى جملتين القانون نزل و تلات تربع السواقين لمختلف المواصلات معهمش رخص فطبعا مبقوش ينزلوا الشارع خايفين من انهم يمشوا من غير الرخص و طبعا لو بصيتوا للمخالفات اللى فوق هتلاقوا ان المواصلات كلها هتقف . ده حتى اتوبيسات النقل العام اصبح فيه غرامة على الباب بتاع الاتوبيس بجد حاجة حلوة اوى طبعا حافظين شكل الناس و همه واقفين على الباب اكيد منظر مش حضارى خالص انتوا عارفين غرامة الباب بتاع الاتوبيس لو مفتوح اد ايه 1000 جنية .
انا طولت عليكوا بس بجد انا اتخنقت كل الخروجات متوقفة بسبب القانون الجديد . السؤال اللى عاوزة اققوله
هو احنا منعرفش نطبق قانون فى بلدنا دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




الجمعة، 1 أغسطس 2008

عين الحسود فيها عود




أنا بقالى كتييييييير اوى مدونتيش و فى حاجات كتير كنت عاوزة اكتبها حاجات حصلت خاصة بيه انا و فى حاجات كمان حصلت حلينا كتييير كنت عاوزة اكتب عنها مثل (براءة ممدوح اسماعيل ، موت المخرج العالمى يوسف شاهين، تعطل خط مترو الانفاق اللى حصل يوم الاربعاء الماضى وغيره ...................)
الوال انا عاوزة اقول سبب امتناعى عن التدوين الفترة الاخيرة دى وهى بسبب انى ايدى كانت اتلوحت و مكنتش بقدر اكتب بيها على الكيبورد خالص المهم انى بتعالج من الموضوع ده بقالى حوالى ستة اشهر اكيد عاوزين تعرفوا سبب الموضوع ده ايه طبعا هتقولوا اكيد لعبتى مع حد ريست و لا حاجة، بس اكيد لا ،طيب يبقى حد كان بيتخانق معاكى و لوحهالك برضه لا،) اللى حصل فى ايدى حاجة غريبة اوى انا كان عندى امتحان فاينل و اقعدة براجع عادى يعنى لقيت موظفة كده عندنا فى الكلية انا عرفاه فبتقولى عاملة ايه يا نونى و ايه اخبارك و عاملة ايه فى مادة النهاردة قولتلها الحمد لله و هيه ماشية قالتلى استنى خدى البركة من ايدى هههههههههههههههههههه و طبطبت على كتفى مفيش مشكلة وقولتلها مرسى الامتحان خلص ومفيش مشكلة الشنطة و قعت منى من كتفى التانى و قمت لوحت ايدى اللى هيه طبتبيك عليه علشان اجيبها طبعا ايدى اتلوحت و اقدر اقول انى حسيت انى كتفى اتخلع تفتكروا دى عين و لا ايه و لا اسميها ايه الطريف انى لما نزلت من الامتحان و ايدى عاملة كده الناس كلها مش تقول معلش او سلامتك لا بيقولولى اكيد انتى كتبتى كتييييييييييير فى الامتحان علشان كده ايدك وجعتك حتى فى دى الناس بتنق !!!!!!!!!!!!!!!!!!!!!!

فرضيت باللى حصل و قولت خلاص روحت بقى علشان اعالجه بقى روحت احدى المستشفيات الخاصة انا قصده انى أقول الخاصة لانى الصراحة حسيت انها مستشفى حكومى نتيجة سوء المعاملة يا جماعة احنا ليه مبنحترمش بعض لما نتعامل مع بعض ليه الموظفين فى المؤسسات المختلفة سواء العامة او الخاصة مبيعملوش النس كويس انا روحت علشان ادفع كشف عند احدى الموظفات تخيلوا انى وقفت حوالى ربع ساغة علشان خاطر ادفع الكشف على الرغم انى كنت الوحيدة اللى بدفع لكن الست الموظفة هانم اقعدة تكلم فى التليفون و عمالة تجيب حكايات من الشرق و الغرب ليه مفيش احترام متبادل انا معرفش ليه مش بتفكر فى ان التليفون اللى هيه بتتكلم منه ده موجود علشان تتصل بيه للى فى الشغل بس مش علشان تتطمن على كل احوال العائلة انا مش عارفة اققول ايه و لا ايه ده حصلى فى اول يوم روحت فيه المستشفى ، تانى يوم روحت اتطلب منى اعمل اشعة روحت علشان اخد طلب اشعة الموظفين عمالين يعملوا فطار و شاى و غيره و الناس واقفة مسنية تاخد ا\ونات الدفع بال\مة دى ناس عندها دم و لا لا عندها شعور بالمسئولىة تجاه شغلها ده و لا لا عندها احساس بالناس اللى تعبانة و واقفة مستنية ان الموظفة من دول تاحد منها فلوس الكشف ده و لا لا انا اعتقد انها معندهاش اى حاجة من الحاجات اللى قولت عليها دى لو عندها اكيد مش هتعامل الناس كده!!!!!!!!!!!!!!!!!!!!

الجمعة، 18 يوليو 2008

الميكروباص


زمان كنت بتمنى اعتمد على نفسي علشان اخرج و اروح و اجى لوحدى وده طبعا نتيجته انى بقيت اركب المواصلة الرائعة دى "الميكروباص" ادي ايه انا دلوقتى بقيت اتمنى انى ارجع صغيرة تانى و اعتمد على حد يودينى و يجبنى فى العربية معززة مكرمة .
انا هحكى على مواقف اد ايه هيه ضايقتنى و اد ايه الناس بقت سلبية لدرجة لا حدود لها
الموقف الاول: حصل موقف لطيف اوى انتوا عارفين طبعا اغلب سواقيين الميكروباصات بيبقوا على قدر من ال\وق عالى اووووووووى طبعا انا بيتريقى المهم هدخل فى الموضوع الراجل كان ماشى عادى يعنى مش مسرع اوى لقيته مرة واحدة فتح على ال 100 و فى طريق مهواش واسع اوى و انا الصراحة مرعوبة من الخوف و الغريب ان الميكروباص فيه رجالة كتير اووووى و كلهم مستغربين و عارفين بقى لما الناس توشوش نفسها عمالين يقولوا ايه " ايه ده هو ماشى كده ليه" ، دول الشباب اللى جامبى و كان قدامى اتنين حبيبة دول بقى عايشين فى دنيا تانية ، انا هموت من الخوف لقيت نفسي بشخت فى للسواق بطريقة غريبة جداااااااا عمرى فى حياتى ما كلمت حد بالطريقة دى و بقوله لوسمحت هدى السرعة شوية انت مش راكب لوحدك و لكن و لا كانى قولتله حاجة ماشى عادى بنفس سرعته فقولتله انت يا سواق انت امشى براحة تخيلوا يقولى ايه يقولى فى ايه انتى شيفانى ماشى على 100 و يا جماعة انا عاوزة اققولكوا ان هو اكيد كان ماشى على اكتر من 120 سيبكوا من كل ده اللى كان مضايقنى فعلا هو ان مكانش فى راجل واحد اتكلم و قاله حاجة حقيقى حست ان احنا بقينا فى سلبية لا حدود لها.
الموقف التانى : هو ان انا كنت برده فى المواصلة الرائعة دى "ميكروباص" و السواق شغل شريط من الشرايط اللى هيه بتكفر المسلمين كلهم اللى هيه" تعقد تقول ايه بتصلى اه طب بتصلى ا\اى لا دى مش صلاة ده" طبعا على سبيل المثال احد الركاب قال للسواق يا راجل انت غير الشريط ده لوسمحت و حط شريط قران تخيلوا ان واحدة تقول للراجل ده ايه حضرتك مش عاوز تسمع الشريط سيد ودانك يا جماعة تخيلوا مستوى الكلام و صل لحد ايه من الانحدار يا جماعة .
الموقف التالت بقى : وده طبعا اللى بقى يحصل كل يوم من بعد ما البنزين غلى بقى كل ميكروباص ليه اجرة خاصة بيه و طبعا المصريين بيعانوا من الغلاء الفظيع و اد ايه الربع جنية اللى زاد فى اجرة الميكروباص بتاثر اوى خاصة ان الزيادة مبقتش ربع جنية بس احيانا نص و احيانا جنية كل راكب يسال السواق الاجرة كام مثلا يقوله جنية و ربع طبعا الراكب بيدفع جنية و يقوله مش دافع حاجة تانى و بيفضلوا يتخنقوا لحد ما يوصل الراكب لمكان اللى هو عاوز يوصل ليه
اطرف موقف لسه حاصل امبارح واحد بيقول للراكب الاجرة جنية و نصف مش جنية بس الراكب مرضيش يدفع حاجة و هو نازل السواق قاله متنساش تحط النص جنية بتاعى فى المسجد انا متنازلك عنه.
ههههههههههههههههههههههههههههههههه

السبت، 5 يوليو 2008

ااااااااااااه منك يا دبلة الخطوبة


فى الحقيقة بعد ما اكلمت فى البوست لللى فات على موضوع علاقة البنت مع الولد او بمعنى اصح طريقة تعامل الولد مع البنت عاوزة اكلم فى البوست ده على البنات والشباب وطريقة تفكيرهم يعني اولا البنات الاقيهم اكتر حاجة شاغلة تفكيرهم "هنتخطب امتى " او "هنتجوز امتى" طب لية بقي كل اللي بيشغل تفكيرنا اول ما ندخل الكلية ح نتخطب امتي وبيزيد التفكير في الموضوع لما بنخلص الدراسة بيبقي كل اللي في نيتهم يعملوة يستنو بن الحلال ليه التفكير كده !!!!!!!!!!
شاغلين بالنا بالفاظ اجتماعية احنا اللي طلعناها ونسينا ان الموضوع دي قسمة ونصيب وانو مكتوب عند ربنا قبل ما نتولد .
بدل ما نفكر ازاي نحاول يبقي لينا شخصية اجتماعية مستقلة نتطور من خلالها في المجتمع ويكون لينا ذات محترمة ونرتقي لاعلي مناصب تقدرفي وقت تساعدنا في فرص احسن في الموضوع دي حتي لو مجاش
يبقي حققنا لينا نجاح نقد ر نحس اننا حققنا نجاح فية !!!!!!!!


الشباب بقي مضيعين وقتهم في تفكير ازاي يلفت نظر بنت او ازاي يفركش محاضرة وازي يصاحب دي ويديها بمبة ويروح للتانية ويحط نغمة اية ع الموبايل ويشغلو امتي عشان يطفش الدكتور ومين البنت القمروة ومين الوحشة والقمورة بصتلو كام مرة وكلام فاضي
بدل ما يدور علي ازاي يصنع لنفسة شخصية مجتهدة تخلي منو راجل قوي يقدر في يوم من الايام يتحمل مصاعب الدنيا ويختار صح ويتحمل مسئولية بيت ويحاول يقوم اخلاقة ع الصح دايما ويتقي ربنا ويبني نفسة عشان يحقق لية ولاسرتة في يوم من الايام حياة سعيدة ........

طبعا مش كل الشباب ولا البنات كدة دي عينة فقط منهم فية منهم الكويس اللي فاهم صح وبيعيش صح انا بتكلم ع الظاهرة دي بس ....
والراي

ا لتفكير فى ه\ا الموضوع ليه يا بنات كده فى حاجات كتتتتتتتتتتير تقدروا تهتموا بيها غير الموضوع ده ، كل بنت فيكوا تتخرج ليه مش بتفكروا مثلا فى مستقبل الشغل الللى هتشغلوه هتقولولى هو بقى فى شغل اليومين دول هقولكوا لو دورتوا هتلاقوا اكيد اللى بيتعب ربنا عمره ما بيضيعلوه تعبوه"
اخيراً"احب اشكر اسية كتير التى شاركتنى فى إخراج ه\ا البوست"

الأربعاء، 25 يونيو 2008

البنت مع الولد






(بلاش المسكة دى)

الامتحانات خلصت و رجعت افكر تانى فى الدنيا و فى اللى بيحصل حولنا انا عاوزة اكلم فى البوست ده على علاقة البنات و الاولاد مع بعض انا بقت اتضايق لما امشى فى الشارع نتيجة اللى بيشوف اللى بنات عملاه مع الولاد من فترة تقدروا تقولوا فترة كبيرة شوية كنت لما اشوف ولد ماشى مع بنت او ماسكين مثلا ايد بعض كنت حقيقى بتضايق لكن دلوقتى خلاص ضغطى عليه من اللى بشوفوه الموضوع تطور كتير انا عارفة برده ان اتطور من زمان انا لما دخلت الكلية كليتى فى محافظة فغالبا تلاقوا الناس فى المحافظات اكثر ادبا و احتراما بمعنى انك مثلا متلقيش اللى بيحصل فى اى كلية فى القاهرة بيحصل زيه فى محافظة من المحافظات بمعنى انا فى يوم نزلت كلية الاداب عين شمس لالالالاالا على اللى شوفته حاجات غريبة جداااااا
البنت اللى نايمة على رجل ولد ،البنت اللى بتقول لولد كفك يا قطع ، و البنت اللى بتلعب فى شعر اللى معاه وغيره و غيره

يا جماعة انا طبعا مش قصدى على كل البنات او الشباب اللى فى الكليات دى بيعملوا كده اعتقد ان انتوا فاهمين قصدى
تفتكروا ليه كده انا سالت نفسى كتير عن سبب الموضوع ده ملقيتش إجابة بالاضافة ان لو فى ولد من الاولاد دول شاف اخته بتعمل حاجة زى كده هيعمل فيها راجل و هيعقد يبهدل فيها.

كل الكلام الللى انا قولته ده فى النقيض منه عند مفهوم بعض الناس للحياة شايفين ان المفروض ميبقاش فى اى اختلاط بين الولد و البنت او اقدر اقول مش مهم اصلا انى اكلم مع الولاد ده طبعا مش رايى لانى شايفة ان الاختلاط شى ضرورى و مهم لان اكيد فى يوم من ايام حياتى هشتغل فى مكان عام و اكيد مش همنع ان يبقى فى ولاد فى الشغل ده مثلا يعنى

اخيراااًًًًً انا طولت عليكوا فى البوست ده ياليت لما البنات يتعملوا مع الاولاد فى حدود الاحترام شوية
و اكيد انتوا يا بنات هتعلو فى نظرهم كتير


السبت، 21 يونيو 2008

للللللولى الامتحانات خلصت


اااااااااااااااااه من هم الامتحانات


اممممممممممممممممممممممممم اخيرًا الامتحانات خلصت و رجعنا تانى للبلوج بمناسبة بقى ان احنا خلصنا الامتحانات فدايما بيبقى فى طراءف فى الامتحانات سواء فى الامتحانات او فى يوم الامتحان نفسه او فى اللجنة مثلا يعنى وغيرها من المواقف عاوزة كل واحد يقرا البلوج ده يكتبلى موقف حصله فى اى يوم من ايام امتحانته سواء اتخرجت او اتخرجتى من الكلية او متخرجتيش و لو متحرجة اكتبولى الموقف اللى انتوا مش قادرين تنسوه حتى بعد ما خلصتوا الكلية.

انا هبدأ بيه انا فى يوم من أيام الامتحانات كان عندى فى اليوم ده امتحان لمادة
اد ايه كانت سهلة بس كانت طويلة شويتين و داءماً المواد اللى من النوع ده بتبقى محتاجة تركيز لان الواحد بيتلغبط هو اقرا الحاجة دى فين و فى انهى فصل و حاجات كده المهم و انا فى وسط الامتحان جت عصفورتين و اعقدوا بقى يغنوا مع بعض و ينادوا لبعض صيو، صيو،صيو،صيو
و انهم يتخرصوا ابداً
من الطريف انى على قد ما كنت عاوزة اضحك عى الموقف على اقد ما كنت عاوزة اموت العصفورتين دول
هههههههههههههههههههههههههههههه




انا شكلى كان كده و انا بتفرج على العصافير
وهيه بتصوصو
هههههههههههههههههههههههه





الاثنين، 19 مايو 2008

اللهم أجرنا من النار









تقع هذه الحفرة قرب قرية في اوزباكستان ويسميها اهل القريه بـ
Darvaz
أي 'الباب الى الجحيم' والسبب واضح...

شوفو الصور



























كلمات بسيطة تقولها بعد ل صلاة


و بإذن الله يوم الحساب تقول جهنم لرب العالمين


(اللهم إنه كان يستجيرك منى بعد كل صلاة إنى لا أريده)






الدعاء هو أن تقول :(اللهم أجرنى من النار)))


............ثلاث مرات بعد كل صلاة.................


اللهم أجرنا من النار

اللهم أجرنا من النار

اللهم أجرنا من النار



















اللهم أجرنامن النار و جميع المسلمين و المسلمات الأحياء منهم و الاموات

اللهم حرم لحمى و جلدى عظمى و شعرى من نار جهنم

اللهم حرم لحم و جلد و عظم و شعر كل من قرأ هذه الرسالة من نار جهنم

اللهم إنك عفو تحب العفو فأعف عنا














................اللهم إرحمنا برحمتك .................

فوالله الذى لا إله إلا هو إننا لا نطيق حر الدنيا
فكيف بنار جهنم ( اللهم أجرنا من النار)










































الثلاثاء، 15 أبريل 2008











انا منزلة البوست ده علشان تفكروا شوية فى الاخرة وده اتبعتلى فى رسالة على الفيس بوك:

قمت من النوم فجأة• وجدت في عيني نور غريب وقوي • أستغربت النور ده كله جي منين• واندهشت لما لقيت الساعه بتشاور على 3 صباحا• وأن مصباح الأوده مطفي• طيب النور ده كله جي منين• وانفزعت لما لقيت نص ايدي جو الحيطه• شديتها بسرعه• خرجت• وانا ببصلها بكل اندهاش• رجعتها تانى لقيتها دخلت جوه الحيطه• استغربت ايه اللى بيحصلي ده• وسمعت صوت ضحك• بصيت نحيته• لقيت اخويا نايم جمبي• ولقيته بيحلم• بيحلم انه راكب عربيه اخر موديل• وانه رايح حفلة كبيره قوي• لناس اغنيه قوي• وانه لابس اغلى واشيك لبس• عشان يكون احلى واحد في الحفلة• وكان بيضحك وفرحان• ابتسمت• بعدين اتفزعت من اللى بيحصل• وقمت من على السرير• وجريت على اودة امي وابي• قعدت اصحى• فى امي واطبطب عليها• وانديها بس هى مش بتستجيب• قعدت انديها كتير واطبطب كتير• ولقيتها فجأه قامت• كانت مخضوضه قوي• وبتبص يمين وشمال• قولتلها يا ماما انت مش شيفانى• لقيتها مش بترد• ولا بتبصلي• قعدت انادى• ماما......ماما• كانت حاطة ايدها على قلبها• وبتقول بسم الله الرحمن الرحيم• ولقيتها بطبطب على بابا وبتصحيه• وقام• قالت له قوم نطمن على الاولاد• ده وقته• قالتله معلش قلبي مش مطمن• في حاجه غريبه• وانا واقف مستغرب• قعدت اقولها يا ماما• انا اهو يا ماما• انت مش شيفانى• ياماما• قامت ومشيت• حاولت امسك هدومها لكن الهدوم مش بتتمسك• جريت وقفت قدمها عدت من جوايا• ملقتش غير انى امشي وراها• وبابا كان وريا• محاولتش ابصله• عشان ما يتجاهلنيش برده• دخلت امى الاوده وفتحت النور• >مكنش عندى فرق لأن الدنيا كانت منورة اصل• انفزعت لما لقيتنى نايم على السرير• وقعدت ابص لجسمى وايدى وانا مستغرب• انا ازاي بقيت اتنين• انا مين ومين اللى نايم على السرير ده ان مكنش انا• وقطع استغرابي• جملة بابا استريحتى يا ستى اهم نايمين اهو• لكن هي قالتله معلش انا عاوزه أطمن على محمد• ولقيتهى بتقرب مني قصدى من الشخص اللى نايم مكانى• وبتطبطب عليه كانت بتقوله يامحمد لكن هو مش بيرد وكانت• بتطبطة بشويش وبدأت تهزه جامد• جريت عليها وقلتلها يا ماما انا اهو• رودي عليا• لكن صوتها كان بيزيد خوف وكان بيعلى• كانت بتنادي• محمد.....محمد• وفجأة صرخت ولقيت الصرخة بتوجعنى قوي• كانها بتضربنى• بكيت• وقلتلها ما تصرخيش• وهى بتقول محمد• وبابا جري علي وحط ايده على وشى وصرخ وبكى• وحسيت بالوجع تانى• محمد مش بيرد والبكاء بيزيد وانا مش عارف اعمل ايه• صحي اخويا على الصوت وهو بيسال في ايه• ماما صرخت اخوك مات يا احمد مات وانا بقولها ببكائي لأ• والله• ياماما انا هو شوفيني شوفينى انت مش سمعاني• لكن ما فيش امل• بصيت للسما وقلت يارب ايه اللى بيحصل ده• لكن ما لقتش سقف• وشفت ناس ولما شوفتهم مشيوا وحسيت بطعنه غريبه• وحجات بتقطعنى بصيت لأحمد لقيته بيصرخ• قلتله اسكت انت بتعذبني• لكنه كان بيزيد فى الصراخ• وماما بتبكي فى حضن بابا• والنحيب بيزيد وقفت قدمهم عاجز• ومزهول رفعت راسي تانى وقلت يارب• ايه اللى بيحصل يارب فى ايه وسمعت صوت من كل حته• كان جي من بعيد ركزت معاه لقيته بيعلا وبيزيد كأنه قرآن• أيوا قرآن والصوت بدأ يقوى يقوى قوي هزنى من شدته كان• بيقول• لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ• فَبَصَرُكَ الْيَوْمَ حَدِيدٌ• زهول الصوت• لقيت ايدين بتطبق عليا اتنين شكلهم مش من البشر بيقوليلى تعالى• م انتم مين وعاوزين منى ايه شدونى• صرخت سيبونى• ما تخدونيش من اهلى اهلى فكرنى مت قالولى ما انت مت فعلا• قلتلهم ازاي ما انا شايف اهو وبتكلم وحاسس بكل حاجه> ابتسموا• وقالوا• عجيب امركم يا بشر كلكم فاكرين ان الموت نهايه الحياة• وما تعرفوش ان حياتكم موت وحلم طويل هتصحو منه على اليوم ده• على العالم ده سألتهم انا فين وانتو واخدنى على فين قالولي• احنا حراسك لحد القبر اتفزعت قبر ايه انتوا هتدخلونى القبر• ردو كل انسان لازم يدخل القبر• بس انا عمرى ما دخلت القبر ده مكتوب على كل البشر• طول عمرى كنت بكره الكلمه دي• مبحبش اسمعها بستعيذ بالله منها بحاول انسها• مكنتش بقدر اتخيل نفسي فى المكان الصعب ده• سألتهم بخوفي هتسيبونى قالولي مع عملك طيب وعملى ده• كويس سكتم• ولقيت واحد بيصرخ وبيبكي وواحد تانى سعيد قوي• وكل واحد فيهم واقف معاه اتنين بردة زى اللى معايا سألتهم ده• بيبكى ليه• قالوا ده عارف مصيره• طول عمرة كان من اهل الضلال قلت يعنى رايح النار• واللي بيضحك ده رايح الجنه طيب انا رايح على فين قولولي• ردو عليا هما كانو عارفين هما ايه فى الدنيا ودلوقتى• عارفين هما فين فى الاخره وانت عشت طول عمرك تايه متردد• شويه تمشي صح وشويه تمشي غلط• شويه تتوب وترجع تعصي تاني ما كنتش واضح• هتفضل بردة انهاردة تايه مش عارف حاجه اتفزعت وقلت• ايه يعنى ايه انا رايح النار• قالولى رحمة ربنا واسعه ولسة الرحلة طويلة• بصيت وريا لقيت عمي وابويا واخويا ماشين وراهم امي واهلي• بيبكوا• شايلين صندوق جريت عليهم ناديت محدش بيرد• ناديت على امى قلتلها يا امى ما تبكيش ادعيلى ناديت على• بابا قلته يا بابا• خلى بالك من امى واخويا ناديت على احمد• قلتله يا احمد خلى بالك من نفسك سيبك من الدنيا ومتاعها دي• رخيصة قوي• صدقنى مش هتنفعك ناديتهم كلهم بس كانو مشغولين بالبكاء• ومحدش سامعنى• مكنتش بتمنى حاجه فى اللحظة دي• الا انهم يسمعونى وشدنى الملكين ونزلونى القبر• ونيمونى فوق الجسد عشان اشوف ابويا وهو بيرمى التراب عليا• بنفسه• علشان اشوفهم وهما بيودعونى وخوفى عليهم انهم مش حاسين• باللى انا حاسه• وحسدى ليهم انهم لسة فى الدنيا بس للأسف• كنت ببكى وهما بيبكوا كنت خايف عليهم من الدنيا قوى• واتمنى لو اصرخ ولو يسمعونى• وخرجم كلهم وقفلوا الباب والنور تحول سواد• لا اله الله محمد رسول الله•


السبت، 22 مارس 2008

طابووووووووووووووووووووووووووووووور العيش







اهههههههههههههههههههههه من رغيف العيش ده طلع شخصية مهمة اوىىىىىىىى يا جماعة فى حياتنا و طلع عامل كمية مشاكل ملهاش حدود الناس مش بس غلو الأسعار هو اللى مجننا لازم الاول اوضح حاجة علشان اللى يقروأ البوست ده ممكن يكون ساكنين فى مناطق راقية فممكن يقلوا أنهم مش بيشوفوا حاجة خالص من اللى هقولكوا عليها دلوقتى فى نوعين من العيش طبعا مش هقول أنهم العيش البلدى و العيش الفينو هههههههههههههه لا انا قصدى على العيش البلدى العادى و العيش البلدى السياحى .

· العيش البلدى السياحى : ده مفيشهوش مشكلة خالص لا فى أزمة الطابور و لا الحشرات اللى ممكن برده بنلاقيها فيه لكن ده بيبقى قليل أوى طبعا العيش ده مفيهوش مشكلة علشان غالى جدااااااااااااا فبالتالى مش كتير هيقدر يشترى فغالبا مبيبقاش فى زحمة عنده خالص.

· أما العيش البلدى العادى :هو أساس المشكلة كلها العيش ده (الرغيف الواحد منه ب 5 قروش) فطبعا الزحمة عليه ب تبقى كتيرررررررررر جدا لأنه رخيص جدا و بالنسبة للغلابة ارخص سلعة بيجيبوها علشان كده بيتبهدلوا و بيتعوروا و بيموتوا وهم بيجيبوا العيش ده أنا هحكيلكوا شوية حاجات كده حصلت فى اليومين دول و عاوزة أعرف رأيكم ايه فى الحاجت اللى هحكيها دى .
فى حاجة عاوزة أكد عليها هى أن العيش مفيهوش مشكلة المشكلة كلها فى طابوووووووووووور العيش .

(الحوادث اللى حصلت فى طابور العيش)
· واحدة ست كانت فى إحدى القرى دخلت تجيب عيش و هى سليمة مفيهاش حاجة خرجت فقدت عين من عيونها و ده بسبب ايه و إزاى طبعا بسبب زحمة الطابور وهى خارجة طرف قفص العيش دخل فى عينها عينها إتصفت فى الحال . أنا يوم ما سمعت الخبر ده طبعا اتضايقت أوى و ده شى طبيعى يعنى لكن الأهم من كده هو أن الناس الكبيرة فى البلد بيتأثروا بحاجة زى دى و لا عادى و لا كأن فى حاجة حصلت أصلا.

· واحد تانى كان واقف علشان يجيب عيش قام طب ساكت هم الناس معرفوش طبعا مات من ايه تعرفا انا افتكرته مات من شدة الزحمة و لكن طلع الراجل مات ضغطه إرتفع فجاة فمات و أنا أعتقد أنه مات من شدة الضغط اللى كان هو فيه، من الزحمة ،من خنقة الطابور بتاعة كل يوم كدهههههه يعنى.

ويريد تكون دى بس أزمة العيش أو مشكلته لكن المشكلة كمان فى عدم جوده العيش حجمه صغر جدااااااااااااااا و مبقاش يكفى حاجة

الظريف أن الناس يعنى مبقاش قدامهم غير حل واحد و هو أنهم يجيبوا العيش بعد صلاة الفجر علطول و ده اللى بقى ناس كتير أوووووى بيعملوه و لكن ده طبعا مش حل دائم لان بكتيرها أسبوع و لناس تعرف الطريقة دى و طابور العيش يبقى زحمة الفجر كمان.



أرحمنا يارب من اللى فى بالى


أنا مستنية تعليقاتكوم و ارائكم فى موضوع اللى أنا كتبته ده .


الثلاثاء، 11 مارس 2008

الأسعار المجنونة

يا جماعة انا عاوزة اقول حاجات كتير اوى عن اللى بيحصلنا فى البلد دى عاوزة اكلم فى مواضيع كتيرة اوىىىىىىىى مش عارفة ابدا بانهى على العموم مش عاوزة اطول عيكم انا هكتب أول فكرة و اللى شيفاها أهم فكرة أكثر مشكلة بنعانى منها الايام دى:



(الغلاء الفظيع فى الاسعار و الأجور زى ماهية مفيش تغيير)

انا هبدأ يا جماعة بحكاية غلاء الاسعار انا مش كبيرة فى السن أوى يعنى عندى 18 سنة ده يعنى انى مبصرفش على حد و لا متحملة مصاريف حد عايشة فى مستوى كويس الحمد لله ده معناه انى المفروض معانيش من المشكلة دى بس أنا بفكر كتير أوى فى الغير (الناس ) يعنى بفكر فى المستويات اللى يدوبك مرتباتهم بكفى احتياجاتهم بالعافية أو أقدر أقول اللى كانت بتكفى احتياجاتهم أنا مش عاوزة اسود الدنيا فى وشوكوا بس للاسف دى الحقيقة الشى الغريب أن يمكن اللى عايشين فى القاهرة بيعانوا من المشكلة دى أكتر من اللى عايشين فى (المحاقظات) أغلب أسعار السلع و الخدمات اقل من القاهرة ،الحكاية متساوية تماما بمقارنة الاسعار بين المدن الجديدة او المرموقة بين باقى المدن انا هقولكوا على شوية أسعار علشان أكد على كلامى و الأسعار دى عرفتها من قبيل الصدفة البواب كان مطلع طلبات و بحاسبه اتفاجئت و أصابنى الفزع ركزوا معايا و أنتوا بتقروا


أمثلة لأسعار بعض السلع قبل الغلاء و بعد الغلاء:

زجاجة الزيت: ب 5 أو 6جنية بقت ب 10 أو 11 جنية

كيلو اللبن: ب 3 جنية بقى ب4 جنية

أنبوبة البوتاجاز :ب 5 جنية بقت ب 10جنية أو ب 12 جنية

برطمان النسكافة الصغير: ب 5 جنية بقى ب 7 جنية

كيلو العدس: ب3جنية بقى 7 جنية

كيلو الأرز: ب 2 جنية بقى ب 5 جنية


جماعة دى أسعار السلع اللى أنا فكراها فى غيرها كتير بالأسعار المجنونة دى

(او ) فى الأمثلة السابقة تعنى سعر السلعة فى المناطق الناقية

دى طبعا أسعار السلع الأساسية اللى مفيش بيت واحد يقدر يستغنى عنها فمابالنا بقى من اسعار السلع اللى أحنا بنعتبرها سلع ترفيهية على الرغم انى فى ناس كتير اللى هما طبعا مستوياتهم أعلى من المتوسطة بشوية كتير كده السلع مثل ( الكاتشب، المايونيز، الشيكولاته، المستردة،الهوت دوج،الجمبرى‘المعلبات ذات جودة عالمية)
أو أقدر أقول المعلبات اللنظيفة اللى الواحد يقدر ياكل منها و هو مطمن لأن لو جاب من المعلبات المصرية يمكن أوى يجيله حاجات مش لطيفة مثلا يعنى ( تسمم) و لا حاجة .
كل اللى أنا قولته ده طرف واحد بس من أطراف المشكلة الأولى ، الطرف التانى هو ثبات الأجور و المرتبات يعنى المرتبات زى ما هى و الاسعار عمالة تززززززززززززززيد طب الناس تعمل إيه أنا مش عارفة .
انتوا عارفين انا من كام يوم كنت بتفرج على برنامج على قناة المحور اسمه(ببساطة) المهم كان بيكلم فى موضوع الأسعار ده و اتصلت سيدة بتشتكى من ارتفاع الاسعار هى جوزها ميت و معاها 4 اطفال و عايشة على معاش جوزها تخيلوا المعاش كام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.
المعاش (160)جنية والله الست قالت كده تخيلوا الست دى عايشة إزاىىىىىىىىىىىىى تخيلوا ال 160جنية دول هيكفوا يجيبوا الارز و لا المكرونة و لا اللبن و لا العدس و لا المكرونة و لا الكتب الخارجية ب ال 160 جنية انا مش عارفة. ربنا يكون فى عونها . أحيانا لما بفكر فى الست دى و اللى زيهم يعنى بحس أن المصريين كلهم عاوزين يلموا تبرعات لبعضهم البعض هههههههههههههههههههههههههههههههههههه.
انتوا عارفين أنا سمعت أن المرتبات و الاجور حصل فيها ارتفاع شوية بعد طبعا كم الاضرابات اللى أنتوا عرفينها سواء بقى (إضرابات الأطباء،أساتذة الجامعة،عمال غزل المحلة) و غيرهم كتتتتتتتتتتتتتتتتتتتير.
تخيلوا الزيادة كانت اد ايه الزيادة كانت (10 ) جنية يعنى يا دوبك تكفى اشترى كام زجاجة زيت ههههههههههههههههههههههههههههههههههههههههههههه .





ههههههههههههههههههههههههههههههههههههههههههههههههههه.