الأربعاء، 25 يونيو 2008

البنت مع الولد






(بلاش المسكة دى)

الامتحانات خلصت و رجعت افكر تانى فى الدنيا و فى اللى بيحصل حولنا انا عاوزة اكلم فى البوست ده على علاقة البنات و الاولاد مع بعض انا بقت اتضايق لما امشى فى الشارع نتيجة اللى بيشوف اللى بنات عملاه مع الولاد من فترة تقدروا تقولوا فترة كبيرة شوية كنت لما اشوف ولد ماشى مع بنت او ماسكين مثلا ايد بعض كنت حقيقى بتضايق لكن دلوقتى خلاص ضغطى عليه من اللى بشوفوه الموضوع تطور كتير انا عارفة برده ان اتطور من زمان انا لما دخلت الكلية كليتى فى محافظة فغالبا تلاقوا الناس فى المحافظات اكثر ادبا و احتراما بمعنى انك مثلا متلقيش اللى بيحصل فى اى كلية فى القاهرة بيحصل زيه فى محافظة من المحافظات بمعنى انا فى يوم نزلت كلية الاداب عين شمس لالالالاالا على اللى شوفته حاجات غريبة جداااااا
البنت اللى نايمة على رجل ولد ،البنت اللى بتقول لولد كفك يا قطع ، و البنت اللى بتلعب فى شعر اللى معاه وغيره و غيره

يا جماعة انا طبعا مش قصدى على كل البنات او الشباب اللى فى الكليات دى بيعملوا كده اعتقد ان انتوا فاهمين قصدى
تفتكروا ليه كده انا سالت نفسى كتير عن سبب الموضوع ده ملقيتش إجابة بالاضافة ان لو فى ولد من الاولاد دول شاف اخته بتعمل حاجة زى كده هيعمل فيها راجل و هيعقد يبهدل فيها.

كل الكلام الللى انا قولته ده فى النقيض منه عند مفهوم بعض الناس للحياة شايفين ان المفروض ميبقاش فى اى اختلاط بين الولد و البنت او اقدر اقول مش مهم اصلا انى اكلم مع الولاد ده طبعا مش رايى لانى شايفة ان الاختلاط شى ضرورى و مهم لان اكيد فى يوم من ايام حياتى هشتغل فى مكان عام و اكيد مش همنع ان يبقى فى ولاد فى الشغل ده مثلا يعنى

اخيراااًًًًً انا طولت عليكوا فى البوست ده ياليت لما البنات يتعملوا مع الاولاد فى حدود الاحترام شوية
و اكيد انتوا يا بنات هتعلو فى نظرهم كتير


هناك 25 تعليقًا:

blue-wave يقول...

معاكى حق فعلا المشكله انا نفسى اعرف لو حد من قرايب البنت دى شافها هايكون ايه موقفها؟
مش بتخاف؟
والأدعى
مش بتخاف من ربنا؟

mregypt7 يقول...

ههههههههههههههههههههههههههه
والله ضحكتينى
ايه يا بنتى الكلام اللى بتقوليه ده
انتى كده ماشفتيش حاجه
انا واحد فى هندسه طنطا بشوف بلاوى
وديه محافظه ومن الاقاليم
طب لو نزلتى مصر او اسكندريه
هتلاقى ايه ابقى بس اسالى ايه بيحصل فى مبانى العماره بجد البنات دلوقتى مش عارف مالهم بجد بحس انهم اكتر من الولاد مش عايزين يعرفوا غير الولاد طبعا مش كلهم فى محترمين كتيييييير
بس فعلا فى بنات كتير اوى مافوريين
تلاقى الواحده فيهم بتعمل حاجات يعنى اتكسفى شويه على دمك
طبعا انتى فى كليه اداب وعين شمس كمان واكيد عارفه اكتر منى
هو الاختلاط لازم بس المفروض كل شاب تكون زميلته اللى معاه يعاملها زى اخته
بس للاسف مش هتلاقى كده
كل واحد يدخلى فى دور حب وفى الاخر ينفضلها طب وليه وتعشمها ليه كنت عاملتها زى اختك من الاول وخلصنا على كده
انا طولت عليكى بس اتمنى انك تنورينى فى مدونتى
بوستك جميل
مع خالص تحياتى
الباش مهندس بوحميد

nonni يقول...

mr egypt7
مرسى على زيارتك اولا

اكيد بتشوف زى ما انا بشوف فى الكلية بتاعتى برده بس اكيد برده مش زى اللى بشوفه هنا و انا شايفة انك جاى على البنات شويتين فى بنات فعلا انا بشوفهم بقول ايه دول مبيكسفوش الزاى بيعملوا كدهو كده وكده
عندك حق اغلب الولاد يتعملوا مع البنات باسلوب ظريف شويتين البنت من دول تقول خلاص ده واقع فى حبى يعنى يمكن معدهمش خبرة فى الحياة شويتن

تحياتى

blue-wave يقول...

ميرسى على تطنيشى
سلام

nonni يقول...

blue-wave

انا اسفة حقيقى على عدم الرد على تعليق حضرتك
بس انا اهتمت انى اقرا بلوج حضرتك قبل اى حاجة و انشغلت ببلوج حضرتك الرائع لانه حلو اوى

تحياتى

MATRIX يقول...

هههههههههه
الحاجات دى بقت عادى جدا خلاص ودا بسبب:
1- مفيش تربية للبنت اولا .
2- .........
3-.............
4-...........
السبب فى دا كله البنت ..لان البنت لو محترمة متعملش كدا ..وطالما مشت مع الولد فى المرحلة دى المرحلة الجاية تكون ...كلنا عارفين (الفشل )
.........................................
شكرا لحضرتك على البوست المهم دا ودى زيارتى اولالى لمدونة حضرتك وموش الاخيرة

nonni يقول...

Matrix
مرسي على زيارتك اولا

للاسف الحاجات دى بقت عادى فغلا زى ما بتقول علشان كده كتبت البوست ده



"تحياتى"

ahmed_k يقول...

nonni
مدونتك بجد جميله
ويا ريت كل البنات تقرأها
انا مشفتش المواقف اللي بتحكي عليها دي لأني خلصت معهدي في 1994 وكانت الدنيا لسه فيها حياء
ربنا يستر اذا كان الوضع وصل لكده امال بعد 10سنين تانيه ممكن ايه اللي يحصل في الجامعات,
البنات لازم تعرف ان الحياءهو عنوان انوثتها ويزيدها جمالا
وان البجاحه بتزيدها وضاعه وينظر لها بنظره اقل ما يقال عنها انها مفيهاش احترام ليها
بوست جميل وتسلم ايدك عليه



وتقبلي خالص مودتي

غير معرف يقول...

شكرا لحضرتك ولكن فى رسالة مهمة فى الايميل بتاعك ارجوكى ارجوكى اقرئيها ..رسالة حياه او موت ..
ارجوك شاهدى ايميلك nonni_89a@hotmail.comانا بعت عليه الرسالة وارجوكى شوفيها وانا مستنى الرد بسرعة..

r يقول...

شوفى يا نونى من رد الشباب هنا الكل ظالم البنت طيب والولد اللى ماشى معاها ما ليه خالص يا جماعه
للاسف باسم الحريه اللى مش عارفين البنات والشباب حدودها ممكن اى حاجه تحصل بس انا شايفه المسئول الاول والاخير هو اسره البنت او الولد اللى ما تعرف حاجه عنه او عنها خارج باب البيت الصله شبه مقطوعه لان الاب والام اليوم كله دايرين فى شغلهم علشان الاخ او الاخت يظهروا بشكل كويس يتعلموا كويس
الكبت فى مجتمعنا يولد الانفجار
متهيألى لازم تكون فى مساحه وكبيره من الاختلاط لاننا كلنا كنا فى كليات وكنا محتاجين زمايلنا خاصه المتفوقين فى ورق او اى شئ والكل هيشتغل -- اللى هيشتغل طبعا والاختلاط فى كل مكان
بس الشخصيه هى اللى بتفرض الاحترام وتصؤرفات الطرف التانى معاها
يا ربيت ما كنش طولت عليكى يا نونى
ومبروك انك خلصتى امتحانان
عبقال النجاح

nonni يقول...

ahmed-k

حسن حاجة و الله انك مبيتشوفش المناظر دى بس المناظر دى مش بس فى الكليات لا دى كمان بقت فى الشوارع العامة و للاسف بتحصل بكل بجاحة

مرسى على مرورك
"تحياتى"

nonni يقول...

الشاب المفقود

مرسى على مرورك و لكن الرسالة اللى حضرتك بتقول عليها رسالة حياة او موت هى موصلتليش على الايميل

ارجو اعادة المحاولة

"تحياتى"

nonni يقول...

"بسنت"

و انا بكتب البوست ده كنت واثقة ان كل الولاد ما هيصدقوا انهم يعيبوا فى البنات و يقول اللى هم عمرهم ما بيقولا فى وش اى بنت هم بيمشوا معاه فقولت يمن لما يقروا البوست ده و يقروا جملة تخيل ان
"اللى انت ماشى معاه دى اختك" يمكن قلبهم يصحى شوية
اكيد طبعا ان يكون هناك فى مساحة من الاختلاط شى ضرورى و انا مقدرش اقولك ان انا مثلا مش بختلط مع الجنس الاخر و لكن زى ما قولتى انتى الللى بتفرضر على اللى قدامك ازاى يتعامل معاكى.

"تحياتى"

shaimaa samir يقول...

حبيبتى نونو
معك الحق كاملا
ومعك الحق ان الاختلاطموجود
ولكن بشروطه
واعتقدانه للاسف دلوقتى
ان الشروط دى بقت تتبع الاهواء الشخصية
مش واضحة وصريحة
زى ما فى ناس تقولك انا حطه حدود
لكن تشوفى حدودها
تسلم على ولد
تخبط عليه
عادى
عشان ده تبع اهوائها
هى دى المشكة

تحياتى

nonni يقول...

shaimma

عندك حق فى الكلام اللى قولتيه حدود كل واحد بتختلف من كل فرد لاخر او تقدرى تقولى من تربية كل فرد لاخر



"تحياتى"

غير معرف يقول...

نونو اذيك
فعلا انا المشكلة دي بتضايقني كتير بس بجد دي بيرجع للتربية والدين والبيئة والبنت المحترمة اللي تعرف تحافظ علي نفسها وصورتها وتتجة لتكوين شخصيتها وتشوف مستقبلها وتفكر بطريقة جدية واحسن من كدة وتنضح فكريا شوية
سلام
اسية

غير معرف يقول...

نونو اذيك
فعلا انا المشكلة دي بتضايقني كتير بس بجد دي بيرجع للتربية والدين والبيئة والبنت المحترمة اللي تعرف تحافظ علي نفسها وصورتها وتتجة لتكوين شخصيتها وتشوف مستقبلها وتفكر بطريقة جدية واحسن من كدة وتنضح فكريا شوية
سلام
asia_helmelgana

محاولات مخنوقة يقول...

ازيك نونى .. بوست رائع ومهم وفعلا اللى بيحصل دا مهزلة سواء من الاولاد او البنات وانا مش بعترض على الزمالة او الصداقة بين الاتنين بس المهم يكون في احترام وحدود .. مدونة جميلة ورقيقة . ربنا يوفقك

سنووايت يقول...

احترام البنت لنفسها اولا
هيخلي احترام اي انسان ليها يزيد
الاختلاط لا يعني ابدا التخلي عن الحياء والاخلاقيات

دمتي بخير يا نونني
علي فكرة اسمك علي اسم اختي :)

سارة درويش يقول...

mregypt7
هههههههههههههههههههه
انا كنت لسة داخلة احكى على المناظر هناك يا ابو الزمل

اصل اداب طنطا جنب هندسة طنطا
واداب طنطا فيها شوية بنات عايزة الحرق .. اكمننا بعيييييد عن وسط البلد البنات والولاد واخدين راحتهم ع الاخر واهى اسمها كلية فى محافظات اهى مش عين شمس ولا القاهرة .. دول بيركبوا بعض الهوا
انا كمان بيجيلى شلل وربنا يا نونى بس هنعمل ايه
دول عاملين زى اللى كانوا فى جرة وطلعوا لبرة علشان كده مش لازم ابداً العلاقة بين الولاد والبنات تبقى ممنوعة لأ تبقى عادية فى حدود الزمالة وفى حدود المفروض

يعنى انا مثلا مش مقاطعة الولاد اللى فى الدفعة لكن مش بكلمهم الا اذا كان فى داعى
خاصة ان المنافسة مشعللة بين الاولاد والبنات فى قسمنا لأن الدكاترة لقوا دا الحل الوحيد علشان يحركونا وعلشان يتجنبوا العلاقات الودية بالاوى
مدونتك جميلة جدا ياقمر اتشرفت بزيارتها

nonni يقول...

اسية
عندك حق فى كل الكلام الللى قولتيه او اقدر انك جبتى خلاصة الموضوع


شرفنى مرورك
"تحياتى"

nonni يقول...

محاولات مخنوقة

مرسي جدااااااا على زيارتك و انا طبعا اؤيدك فى ان الزمالة بين الاتنين
اهم شروطها هى الاحترام المتبادل

سعدت بمرورك

"تحياتى"

nonni يقول...

سنووايت

شرفنى مرورك،اكيد احترام البنت لنفسها زى ما بتقولى هيخلى اى حد يحترمهاو اكيد الاحتلاط لا يعنى تخلى البنت عن الحياء و لكن اهم حاجة ان الاحتلاط ده يكون فى حدود الاحترام
و نورتينى ىا "احلى سنووايت"

"تحياتى"

nonni يقول...

"سمو الاميرة سارة"

ههههههههههههههههههه

عجبنى اوى التعبير ده زى مانكون "كانوا فى جرة و طلعوا لبرة"

اتشرفت كتيييير بزيارتك
"تحياتى"

غير معرف يقول...

بجد بجد البوست راااائع جداااااااااا. أنا أول مرة أدخل بس بجد تحفة.. أنا طبعا متفقة معاكي تماما ان الموضوع بيتدهور ..و الوضع أصبح أسوأ..أنا بجد نفسي البنات يعرفوا ان اللي بيعملوه ده بيقلل اوي من احترم الأولاد لهم و فعلا هم مش متخيلين الأولاد اللي بيمشوا معاهم دول بيقولوا عليهم ايه بعد ما بيسيبوهم.. بجد ا بنات لازم نتمسك بالحياء أكتر من كده..بجد الحياء ده من أهم المميزات اللي بتشد اي شاب محترم للبنت اللي بيفكر يرتبط بها رسمي. معلش طولت شوية.. تحياتي يا أحلى نوني