السبت، 5 يوليو، 2008

ااااااااااااه منك يا دبلة الخطوبة


فى الحقيقة بعد ما اكلمت فى البوست لللى فات على موضوع علاقة البنت مع الولد او بمعنى اصح طريقة تعامل الولد مع البنت عاوزة اكلم فى البوست ده على البنات والشباب وطريقة تفكيرهم يعني اولا البنات الاقيهم اكتر حاجة شاغلة تفكيرهم "هنتخطب امتى " او "هنتجوز امتى" طب لية بقي كل اللي بيشغل تفكيرنا اول ما ندخل الكلية ح نتخطب امتي وبيزيد التفكير في الموضوع لما بنخلص الدراسة بيبقي كل اللي في نيتهم يعملوة يستنو بن الحلال ليه التفكير كده !!!!!!!!!!
شاغلين بالنا بالفاظ اجتماعية احنا اللي طلعناها ونسينا ان الموضوع دي قسمة ونصيب وانو مكتوب عند ربنا قبل ما نتولد .
بدل ما نفكر ازاي نحاول يبقي لينا شخصية اجتماعية مستقلة نتطور من خلالها في المجتمع ويكون لينا ذات محترمة ونرتقي لاعلي مناصب تقدرفي وقت تساعدنا في فرص احسن في الموضوع دي حتي لو مجاش
يبقي حققنا لينا نجاح نقد ر نحس اننا حققنا نجاح فية !!!!!!!!


الشباب بقي مضيعين وقتهم في تفكير ازاي يلفت نظر بنت او ازاي يفركش محاضرة وازي يصاحب دي ويديها بمبة ويروح للتانية ويحط نغمة اية ع الموبايل ويشغلو امتي عشان يطفش الدكتور ومين البنت القمروة ومين الوحشة والقمورة بصتلو كام مرة وكلام فاضي
بدل ما يدور علي ازاي يصنع لنفسة شخصية مجتهدة تخلي منو راجل قوي يقدر في يوم من الايام يتحمل مصاعب الدنيا ويختار صح ويتحمل مسئولية بيت ويحاول يقوم اخلاقة ع الصح دايما ويتقي ربنا ويبني نفسة عشان يحقق لية ولاسرتة في يوم من الايام حياة سعيدة ........

طبعا مش كل الشباب ولا البنات كدة دي عينة فقط منهم فية منهم الكويس اللي فاهم صح وبيعيش صح انا بتكلم ع الظاهرة دي بس ....
والراي

ا لتفكير فى ه\ا الموضوع ليه يا بنات كده فى حاجات كتتتتتتتتتتير تقدروا تهتموا بيها غير الموضوع ده ، كل بنت فيكوا تتخرج ليه مش بتفكروا مثلا فى مستقبل الشغل الللى هتشغلوه هتقولولى هو بقى فى شغل اليومين دول هقولكوا لو دورتوا هتلاقوا اكيد اللى بيتعب ربنا عمره ما بيضيعلوه تعبوه"
اخيراً"احب اشكر اسية كتير التى شاركتنى فى إخراج ه\ا البوست"

‏هناك 29 تعليقًا:

بسنت يقول...

شوفى يا نونى هى الدنيا كدا
امتحنتى يبقى السؤال النتيجه ظهرت ولا لسه
ظهرت تبقى جبتى تقدير كلم
خلصتى يبقى فى عريس ولا لأ
اتخطبتى يبقى جبتى الشبكه بكام والفرح امتى
---------
اسئله مالهاش آخر
ومجتمعنا بصفه عامه فشار اوى وبيحب المظاهر
وكل واحد عايز يبين نفسه بالذات فى سن الشباب زى الجامعه
وبعدين الشغل
الحل انك تمشى فى طريقك الصح وتسيبى كل حاجه على ربنا لانه اللى بيخترلنا الصح

وكله مكتوب طبعا
سلمتى

nonni يقول...

هههههههههههه
كلامك صح اوى يا بسنت ، بس يا بسنت لما يكون الواحدة اتخرجت وبتشتغل ده مش معناه انها كبرت فهى لسه صغيرةمش محتاجة تبين نفسها صغيرة


مرسى جداا يا بسنت على تعليقك الحلو اوى ده خاصة انه اول تعليق
"تحياتى"

سنووايت يقول...

يا نونني دي ثقافة مجتمع
البنت مالهاش غير بيت جوزها
التعليم دا مجرد ورقة هتاخديها علشان يبقي اسمك متعلمة
اتخرجتي يبقي تقعدي تستني ابن الحلال
ولو ما جاش لوحده لازم تعرفي ازاي تجيبيه والا تحملي لقب عانس

وزي ما قلتي الحياة مش دبلة خطوبة وبس , اه صحيح دي سنة الحياة بس دا قدر ونصيب وشيء مكتوب

غير معرف يقول...

اذيك يا نونو
اكيد طبعا لازم نبقي عارفين ان جي قسمة ونصيب ومفيش حاجة اسمها لو متخطبتيش تعرفي تجيبية ازاي دي مكتوب عند ربنا من الاول ومن غير ما تتعبو نفسكو .
واظن اننا لازم نكون اكبر من الالفاظ الاجتماعية اللي احنا بدعناها من نفسنا لان اساسا الناس مش بتسيب اي حد في حالو سواء كان كويس او وحش
سلام


asia_helmelgana

ahmed_k يقول...

اولا
عايز أعلق علي بوست بعنوان اللهم أجرنا من النار
حقيقي بارك الله فيكي عليه
قصه مؤثره جدا وفيها من العظه الكثير
فكم منا نسي الموت أو لنقل تناساه
ولكن لندعوا الله ان يحسن خاتمتنا جميعا
بارك الله فيكي وجعله عملا مباركا في ميزان حسناتك


اروح اقرأ بوست اليوم وارجع

ahmed_k يقول...

الزواج قسمه ونصيب
جمله تحمل من الحكمه الكثير.
جمع الله الخلق من ظهور آبائهم وأشهدهم الست بربكم قالوا بلي شهدنا
وهذه هي الفطره التي يولد عليها الأنسان
فكل شخص مقدر له من سيتزوج ومن سينجب من الأبناء
ولكن علي الأنسان ان يسعي حتي يجمعه الله بشريكه
وكما اشرتي يجتهد الأنسان في حياته حتي يقدر له الله ان يلتقي بشريك حياته

بوست راقي أهنئك عليه

ودمتي بكل خير

blue-wave يقول...

غصب عننا بتلاقى كل تفكيرك فى شريك او شريكة حياتك
الدفء والأمل
هيا الدنيا كدة

mregypt7 يقول...

بونجورنو سينيوريتا
يا نونــــــــــــــــى
يعنى هعرفك عقليه البنت عامله ازاى اكيد انتى عارفاها وحفظاها
اهم حاجه عندها ازاى تبقى شيك امتى هتتجوز طيب وهتتجوز مين وهتجيب شقه فين وتعمل فرحها فين وانا اتجوزت وصاحبتى لسه وطبعا غير اهتمامهم بستار اكاديمى والكابتن اللى اسمه اسامه منير ده مش عارف يعنى ازاى تتفرجوا على البرنامجين دول ازاى جد بحس بالغباء لما اشوف برنامج فيهم
ولكن اقولك حاجه انا شبه متاكد ان معظمكم بيتمتع وفيكم اللى بيبكى وهى بتتفرج
ومش هقولك البنات بس لا فى رجاله برضه
بس دول اللى انا اسميهم الرجاله الفاشلين
لان الوقت الفاضى بالنسبه للراجل يعنى شغل والشغل يعنى فلوس والفلوس يعنى تقدر تكون اسره وتتجوز وتعيش حياتك ده اللى انا اعرفه وياريت معظم الناس تفكر بالمنطق ده ان الوقت ما يضيعش كده فى اى كلام فاضى
طبعا انتى عارفه اننا احنا الشباب اكيد عندنا الحته بتاعه ازاى اعلق البت الاموره ديه واتعرف عليها طب ازاى
على راى المثل اعرف صاحبتها الوحشه تعرف الاموره بعديها وده اللى كلنا ماشيين بيه وللاسف مش هتتغير بس لوكده فعلا ياريت ما تعشمهاش بحاجه بس كده
من الاخر يا نونى والخصلك الحوار ده كله
البنت ما يهمهاش غير انها تلبس حلو وتتجوز واد متريش وتتفرج على البرامج التعبانه الا من رحم ربى
انما الواد الهايف اللى هو انا عايز اعرف ديه وديه وينسى شغله ودراسته وحياته
وده بيحصل دايما فى سنه اولى جامعه
انا طولت عليكى
بس مع خالص تحياتى
هندسه

لست أدرى يقول...

عارفه يمكن زى مانتى بتقولى تفكير بنات كتيره اوى زاد جدااااااا
لدرجه انهم بيتخطبو من غير مايفكرو فى الشخص هل هو المناسب ولا لأ

بس يمكن لانهم محتاجين حد يسأل عليهم
محتاجين حد يبقى هو بتاعم بس
محتاجين يسمعو كلام حلو

بس للأسف النوعيه دى بتقاسى بجد بعد الجواز وتكتشف انها مش بتحب الشخص ده

nonni يقول...

استغربت من رايك كتتير يا سنووايت المفروض انك دكتور و درستى علوم يعنى درستى كلية من اصعب الكليات بعدكل ده تقوليلى البنت اخرتها بيت جوزها و الشهادة دى مجرد ورقة ازاى بقى دا انتى المفروض تب\لى اقصى جهدك علشان تححققى مكانة كويسة فى شغلك
و الموضوع فى الاول و فى الاخر زى ما قولتى الزواج قسمة و نصيب
"نورتينى"

nonni يقول...

asia_helmelgana

انا الحمد لله كويسة،انتى عاملة ايه
طبعا مش عارفة ارد لانى موافقة على كلامك مية المية

"نورتينى"

nonni يقول...

ahmed-k


الحقيقة البوست بتاع اللهم اجرنا من النار انا لما شوفت الصور دى اترعبتو قولت لازم انل بوست ي\كرنا كلنا بالدعء ده علشان نقوله بعد كل صلاة"اللهم اجرنا من النار"

ها هروح اشوف رايك ايه فى البوست الجديد بقى.

"تحياتى"

nonni يقول...

ahmed-k

اكيد الزواج قسمة و نصيب و اكيد الواحد زى ما قولت

"يجتهد الأنسان في حياته حتي يقدر له الله ان يلتقي بشريك حياته"
بس اللى انا ابتديت استغرب منه ان البنات بقت توقف حياتها على الموضوع ده يعنى مش مثلا تدور غلى شغل لما تتخرج لا تتدور على عريس فى ظل انها لسه مكبرتش هو اللى انا توصلتله ان البنات بقم حايفين اوى من العنوسة

احيرا نورت اكيد المدونة
"تحياتى"

nonni يقول...

blue- wave

اكيد شريك او شريكة الحياةهى الدفء و الامل و تستاهل او يستاهل ان احنا نور عليها بس برده اكرر كلامى انا اللى خلانى اكتب البوست ده اصلا هو ان البنات بقوا شاغلين بالهم بالموضوع ده زيادة و بدا ياثر على حياتهم العملية بالاخص

شرفنى مرورك
"تحياتى"

nonni يقول...

mregypt-7
بونجور يا باش مهندس

حقيقى كلامك يعنى اغلبه صح بس اول مرة اسمع المثل ده
"اعرف صاحبتها الوحشه تعرف الاموره بعديها "
مثل غريب اوى بس مش حابة اعلق عليه اللى انا عاوزة اوضحه هو رايك فى ان البنات ما يهمهاش غير انها تلبس حلو وتتجوز واد متريش وتتفرج على البرامج التعبانه"
اكيد الكلام ده مش مظبوط لو كان الكلام ده صحيح مكنتش تلاقى الددكاترة و المهندسين البنات او البنات بصفة عامة يعنى اللى بيشغلوا و يوصلوا لمراكز حلوة فى شغلهم،بس يمكن زى ما قولت ان الولاد بيبقى تفكيرهم فى سنة اولى جامعة زى ما قولت عليهم يمكن برده البنات بيبقى تفكيرهم اهم حاجة عندهم انهم يتخطبوا بس ما ينضجوا شوية اكيد تفكيرهم هيتغير.

"تحياتى"

nonni يقول...

لست ادرى

عندك حق فى ناس كتير بقتب تتخطبومن غير مايفكرو فى الشخص هل هو المناسب ولا لأ بس مش بس علشان يسمعوا كلام حلو وكده لا يمكن كمان علشان خايفين يطلق عليهم كلمة عانس و همه لسه فى عز شبابهم.

"تحياتى"

المـــفـــــــقــــــــوعـــــة مــرارتـهــا يقول...

للأسف صعب ان البنت ماتفكرش في انها يبقي لها بيت واسرة وهي علي اعتاب الكلية ولما تخلصها اكتر
بس للأسف اللي هي بتفكر فيه مش هايتحقق مع زمايلها في الكلية لان حياتهم لسة ماابتدتش فبيكون الحب لو تواجد بيبقي جد من البنت وهزل من ناحية الولد اللي عارف انه مش هايقدر علي مصاريف الجواز فبيتسلي

زى الهوا يقول...

موضوع رائع وفعلا يستحق المناقشة

اما بالنسبة لرأيى :


إن الحياة مراحل اول مرحلة الحضانة ثم المدرسة ثم الكلية ثم الشغل ثم الزاوج وبعدين الاطفال والمواويل التانية بقى

, خلينا نقف هنا وقفة

, كل واحدة فينا بتبقى متلهفة انها تشوف هتدخل ثانوى عام ولا لأ , وبعدها , هتدخل الكلية اللى بتتمناها ولا لأ , وبعدها تشتغل شغل جامد ومرتبه اجمد ولا لأ



خلاص كل الامنيات والالغاز اللى كانت فى حياتها خلصت إلا لغز واحد , اشمعنة يعنى اللغز دا اللى مش هتفكر فيه , هتتجوز ولا لأ ؟؟ هيكون مواصفاته زى ماحلمت ولا لأ ؟؟ وهيسعدها ولا لأ

علشان كدة بتبقى مستعجلة

ادم المصرى يقول...

ملهاش اى حل غير سنه نبينا والعقيده وقواعد الحياه المفروده علينا من قديم الازل الجواز والبيت والاسره وهكذا تأتى الاجيال وبنتك هتفكر ذيك بردو بس مش هتلاقى حل غير الجواز وهيا كدا الدنيا هتمشى

shaimaa samir يقول...

معجبة بمناقشتك للموضوعات دى
ربنا يجعلها فى ميزان حسناتك

دعواتك

3ala asm masr يقول...

بصى مش البنت بس هى اللى بتفكر اهلها بيفكروا قبلها وبيخلوها هى كمان تفكر ولو اتاخر جوازها شويه تبقى كارثه وامها كل متشوف وشها تقولها عاوزه اجوزك قبل ما اموت
والجواز ستره
كان اللى مش بتتجوز بتتفضح
العيب مش فى البنت العيب فى المجتمع اللى حط مصطلحات ما انزل الله بها من سلطان

nonni يقول...

المفقوعة مرارتها

عندك حق فى ان البنت صعب انها ما تفكرش فى انها تكون اسرة و كده بس كتر التفكير فى الموضوع ده لاسف بيبقى ليه تاثير عليها سواء من الناحية الدراسية او من الناحية العاطفية
نورتى المدونة
"تحياتى"

nonni يقول...

زى الهوا

رايك و كلامك حلو اوى بس البنات بقوايقفوا عند مرحلة انهم يدخلوا الكلية بمجرد البنت من دول تتدخل الكلية خلاص مفيش حاجة فى دماغها غير انها تحب و تتحب و بالاضافة بقى لكلام اللى حوليها يالا بقى مش هنفرح بيكى و لا ايه يعنى مش بيستنوا حتى انهم يحصلوا على وظيفة و مرتب حلو........
"تحياتى"

nonni يقول...

ادم المصرى

انا مقولتش حاجة ابدا ضد الكلام ده ان دى سنة نبيناو غقيدتنا و لكن انا قصدى ان البنات دلوقتى وهم فى عز شبابهم بقوا يخافوا اوى من العنوسة و تحس ان بقى شغلهم الشاغل هو انهم يرتبطوا و بقت كل ما البنت من دول تتجوز بدرى كل ما اهلها يبقوا مطمنين عليها حتى الاهل مبقوش يهتموا بالشهادة و التعليم و غيره........
"تحياتى"

nonni يقول...

shaimaa samier

مرسي على كلامك الحلو ده، نورتى المدونة

"تحياتى"

ahmed_k يقول...

فينك يا نوني ايه اللي شاغلك عن التدوين

ahmed_k يقول...

قصدي منزلتيش بوستات جديده

nonni يقول...

ahmed-k
مرسي على السؤال بس الحقيقة اللى شاغلنى هو موضوع البوست اللى انا عاوزة انزلة بحاول اجمع كل اللى بيخص موضوع البوست الجديد و انا النهاردة هنزله با\ن الله

"تحياتى"

EMMY BABY يقول...

موضوع فعلا انا ساعات بستغربه

بس بستغربه فى حالة واحدة لما الاقى الموضوع زاد عن الحد يعنى الاقى واحدة كل تفكيرها كدة بس ولسة مثلا اولى كلية وزعلانة انها عنست

لكن لو كل تفكير جه فى وقته بيكون احسن وبنفكر فيه بعقلية انضج

وانا من رايى اصلا ان اللى يفكر فى موضوع العرسان ده بيضيع وقته ويتعب نفسه فى التفكير ويشغل قلبه وخلاص

وهو اصلا موضوع كله بتاع ربنا يعنى مهما عملتى ومهما جالك فانتى مش هتخدى اكتر من نصيبك

تحياتى على هذا الموضوع