الجمعة، 18 يوليو 2008

الميكروباص


زمان كنت بتمنى اعتمد على نفسي علشان اخرج و اروح و اجى لوحدى وده طبعا نتيجته انى بقيت اركب المواصلة الرائعة دى "الميكروباص" ادي ايه انا دلوقتى بقيت اتمنى انى ارجع صغيرة تانى و اعتمد على حد يودينى و يجبنى فى العربية معززة مكرمة .
انا هحكى على مواقف اد ايه هيه ضايقتنى و اد ايه الناس بقت سلبية لدرجة لا حدود لها
الموقف الاول: حصل موقف لطيف اوى انتوا عارفين طبعا اغلب سواقيين الميكروباصات بيبقوا على قدر من ال\وق عالى اووووووووى طبعا انا بيتريقى المهم هدخل فى الموضوع الراجل كان ماشى عادى يعنى مش مسرع اوى لقيته مرة واحدة فتح على ال 100 و فى طريق مهواش واسع اوى و انا الصراحة مرعوبة من الخوف و الغريب ان الميكروباص فيه رجالة كتير اووووى و كلهم مستغربين و عارفين بقى لما الناس توشوش نفسها عمالين يقولوا ايه " ايه ده هو ماشى كده ليه" ، دول الشباب اللى جامبى و كان قدامى اتنين حبيبة دول بقى عايشين فى دنيا تانية ، انا هموت من الخوف لقيت نفسي بشخت فى للسواق بطريقة غريبة جداااااااا عمرى فى حياتى ما كلمت حد بالطريقة دى و بقوله لوسمحت هدى السرعة شوية انت مش راكب لوحدك و لكن و لا كانى قولتله حاجة ماشى عادى بنفس سرعته فقولتله انت يا سواق انت امشى براحة تخيلوا يقولى ايه يقولى فى ايه انتى شيفانى ماشى على 100 و يا جماعة انا عاوزة اققولكوا ان هو اكيد كان ماشى على اكتر من 120 سيبكوا من كل ده اللى كان مضايقنى فعلا هو ان مكانش فى راجل واحد اتكلم و قاله حاجة حقيقى حست ان احنا بقينا فى سلبية لا حدود لها.
الموقف التانى : هو ان انا كنت برده فى المواصلة الرائعة دى "ميكروباص" و السواق شغل شريط من الشرايط اللى هيه بتكفر المسلمين كلهم اللى هيه" تعقد تقول ايه بتصلى اه طب بتصلى ا\اى لا دى مش صلاة ده" طبعا على سبيل المثال احد الركاب قال للسواق يا راجل انت غير الشريط ده لوسمحت و حط شريط قران تخيلوا ان واحدة تقول للراجل ده ايه حضرتك مش عاوز تسمع الشريط سيد ودانك يا جماعة تخيلوا مستوى الكلام و صل لحد ايه من الانحدار يا جماعة .
الموقف التالت بقى : وده طبعا اللى بقى يحصل كل يوم من بعد ما البنزين غلى بقى كل ميكروباص ليه اجرة خاصة بيه و طبعا المصريين بيعانوا من الغلاء الفظيع و اد ايه الربع جنية اللى زاد فى اجرة الميكروباص بتاثر اوى خاصة ان الزيادة مبقتش ربع جنية بس احيانا نص و احيانا جنية كل راكب يسال السواق الاجرة كام مثلا يقوله جنية و ربع طبعا الراكب بيدفع جنية و يقوله مش دافع حاجة تانى و بيفضلوا يتخنقوا لحد ما يوصل الراكب لمكان اللى هو عاوز يوصل ليه
اطرف موقف لسه حاصل امبارح واحد بيقول للراكب الاجرة جنية و نصف مش جنية بس الراكب مرضيش يدفع حاجة و هو نازل السواق قاله متنساش تحط النص جنية بتاعى فى المسجد انا متنازلك عنه.
ههههههههههههههههههههههههههههههههه

هناك 19 تعليقًا:

Mahmoud البطراوى يقول...

ولا لما بعلى الاغانى الغريبه الى بيشغلها لدرجه تجيب طرش

اهو الممضطر يركب الميكروباص والسلام

بوست هايل
تحياتى

رئـــــيسـة حزب الأحلام يقول...

ياخرابى على الميكروباصات
وحوادثه وسواقينها
كفانا الله شر الميكروباصات
وعطانا الله السيارات
تحياتى لك

سفروتة يقول...

طب ده الميكروباص

اومال بقي الميني باص بيحصل فيه ايه بلاوي ...فضلا عن الزحمة والخنقة والحاجات المقرفة دي


الميكروباص فعلا مصيبته في ان السواقين بيمشوا بسرعات جنونية ومش هاممهم الطريق اللي ماشيين فيه ده عامل ازاي

ربنا يكفينا شرهم

تحياتي

:)

nonni يقول...

بطوط حبوب

اهى الاغانى دى بقى موال تانى و اهو احنا يا بنات منقدرش نقولهم حاجة عليها احنا اخيرنا نكلم على السرعة بس سيبنلكوا الاغانى انتوا يا رجالة تقولوا للسواق عليها
ههههههههههههه

"تحياتى"

nonni يقول...

رئيسة حزب الاحلام


اااااامين" كفانا الله شر الميكروباصات و عطانا السيارات"

نورتى البلوج

"تحياتى"

zOzO يقول...

ههههههههههههه
بجد عندك حق
الموصلات دي حاجه تقرف
والواحد وهو جاي من الجامعه
بيكون خايف والله
ماشيين بسرعه رهيبه
اوي
ربنا يسترها علينا
بجد بوست حلو
تحياتي
وميرسي لمرورك

Desert cat يقول...

سيبك من الست اللى اتكلمت بقلة ذوق علشان الراكب طلب يغير الشريط
دول ساعات ممكن يحشورا مناخيرهم فى نوع لبسك وممكن تقوم هى بالدور مكان الشريط ... وساعات تركبى جنب حد تلاقى ريحته تخليكى ترجعى اللى فى بطنك من يوم ما تفطمتى
تحياتى
واحدة كل يوم تركب ميكروباص

semsema يقول...

والله انا مش عارفة الموضوع بقى سلبية ولا تعود ولا ايه بالظبط

موضوعك مهم وملموس

تحياتى
والى الامام

blue-wave يقول...

يابنتى انتى بتتكلمى على اوطى فئه فى مصر بلا منازع
كلهم سوابق وبلطجيه اصلا
ومع سوابقى الكتيرة معاهم اقولك نصيحه بلاش تحتكى بأى حد فيهم لأنه مش خسران حاجه
انتى اللى هاتخسرى
تحياتى

asia sakr يقول...

اذيك يا نونو
فعلا الميكروباصات دي حاجة تقرف وانا شفت فيها بلاوي والله وانتي عارفة بقيت افضل امشي دايما هههههههههه

سلام وابقي تعالي زوريني

nonni يقول...

zozo
شرفتى المدونة ، بصى انا لقيت حل حلو اوى بس ممكن نستة لحد عام 2020 كده حاجة من التنين يا اما احد رجال لاعمال الكبار يعمل حملة يتبرع فيها بانة يشترى عربيات لكل البنات .
ههههههههههههههههههههه

"تحياتى"

nonni يقول...

desert cat
عندك حق احياناً بيحشورا مناخيرهم فى نوع لبسك " بس لازم احنا برده نوقفهم عند حدهم

"تحياتى"

nonni يقول...
أزال المؤلف هذا التعليق.
nonni يقول...

blue_wave

انا مقدرش اقول ان السواقين كلهم من اوطى فئة فى المجتمع لان فى منهم ناس متعلمة و دول طبعا بيبقوا نادرين جداا ، و الحاجة التانية انا عمرى فعلا ما اتكلمت مع احد السواقين لانى انا دايما بشوفهم لما بيتخنقوا بينزلوا بالادوات الغريبة بتاعتهم علشان يتخنقوا و لكن للاسف الموقف ده مكنتش اقدر اسكت و ما اتكلمش فى ناس عاوزانى فى الدنيا دى .
هههههههههههههههههههه
"تحياتى"

nonni يقول...

asia-sakr

انا عارفة انك بقيتى تفضلى انك تمشى و لكن انتى عارفانى السن و الشيخوخة بقى صعب انى امشى كل مشاويرى

"تحياتى"

mregypt7 يقول...

ههههههههههههههههههههههه
حلو اوى ابوست ده بتاع الميكروباص الا هو بالصاد ولا بالسين
المهم يا ستى فى حكايه السرعه ما تستغربيش ان مافيش راجل قام قالله انت ماشى بسرعه ليه تلاقى انتى بس قلبك رهيف شويه او حنينه حبتين وهو كان ماشى عادى يعنى والشباب بيحبوا السواق يجرى بالعربيه او ممكن يكونوا متاخرين وعاوزين يوصلوا بدرى اما الشرايط اللى بتكفر فاصبح كل واحد يتكلم شويه ويفتى شويه ويقول اا نا شيخ ماشى ياعم اقعد كفر فينا ولا اللى يشخط فيا وانا قاعد وقوم صلى طبعا معروف مين
وعلى الغلاء ده حاجه معروفه ومش هنتكلم فيها بس هقول ربنا يخليك لينا ياريس
خالص تحياتى
الباش مهندس بوحميد

ahmed_k يقول...

علي فكره الميكروباص من أكثر طرق المواصلات محببه إلي قلبي
عامله زي المسرح الكبير بتشوفي فيها عينات من الناس عجب
أما السواقيين دولا حاااااجه تانيه
مش عارف ليه الواحد منهم يكون كويس ومحترم وأول ما يركب الميكروباص يتبدل يبقى شخص تاني عديم الزوق والأدب وكل حاجه كويسه

عموما بلاش نجيب سيرة حد هههههههه

سلاااااام

nonni يقول...

mregypt 7
لميكروباص بالصاد بس عند سواقين الميكروباص بيقولوها الميكروباززززززز هههههههههههه.

لا انا لازم استغرب لما ما فيش راجل يكلم عارف ليه يا باش مهندس لان الرجالة اصلا بقوا فى منتهى السلبية خاصة فى المواقف دى طيب سيبك من السرعة فى موقف تانى اللى بقى يحصل علطول تقدر تقول ده العادى زى لما ست كبيرة مثلا تركب الميكروباص من دول و تفضل واقفة ان شاب و لا رجل من اللى قاعدين دول يبقى عنده دم و يقوم لا ابداااااااااااااااااً .
الموضوع بقى سلبية من الناس .

"تحياتى"

nonni يقول...

ahmed-k

أول واحد اشوفه بيحب الميكروباصات ، استغربت تعليقك و قولت انت اكيد معاك عربية و مبتركبش ميكروباصات كتييير بس اول ما قولت انه عامل زى المسرخ الكبير هههههههههههههههههههههههههههه عندك حق اللى بيحصل فى الميكروباص تقدر تقول عليه انها مسرحية فعلا بتتفرج عليها.